سنی گورمک بیر آن اولسا بیله ...


                                           منه یئتر...


اوره ییم مانقال اولوب عشقیم اودوم منده اودون                                                         

یانیرام لاله کیمی سوندوره نیم یوخدو منیم

                                        غصه لر گه لمیش ائویم غمله دولوبدور بو گئجه

                                                                      حاضیره م اؤلمه گیمه اولدوره نیم یوخدو منیم



بو گول سنین ایچین...


+ نوشته شده توسط yagmur_damla در پنجشنبه چهارم خرداد 1391 و ساعت 9:31 |
 
آیریلیق
 
فیکریندن گئجه لر یاتا بیلمیرم
بو فیکری باشیمدان آتا بیلمیرم
دئییرم چون سنه چاتا بیلمیرم
آیریلیق، آیریلیق ، آمان آیریلیق
هر بیر دردن اولار یامان آیریلیق

اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر
آیریلیق، آیریلیق ، آمان آیریلیق
هر بیر دردن اولار یامان آیریلیق

یادیما دوشنده آلا گوزلرین
گویده اولدوزلاردان آلاّم خبرین
نئیله ییم کسیبدیر مندن نظرین
آیریلیق، آیریلیق ، آمان آیریلیق
هر بیر دردن اولار یامان آیریلیق

آیریلیق دردینی چکمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اؤلمز
آیریلیق، آیریلیق ، آمان آیریلیق
هر بیر دردن اولار یامان آیریلیق

نئجه کی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن
آیریلیق، آیریلیق ، آمان آیریلیق
هر بیر دردن اولار یامان آیریلیق

ایل لردی اوزاقام آرخام ائلیم دن
بلبلم دوشموشم آیری گولوم دن
جور ایله آییریب شیرین دیلیم دن
آیریلیق، آیریلیق ، آمان آیریلیق
هر بیر دردن اولار یامان آیریلیق

+ نوشته شده توسط yagmur_damla در پنجشنبه چهارم خرداد 1391 و ساعت 9:29 |
 
ساری گلین
 
ساچین اوجون هؤرمزلر
گولو قونچا درمزلر
ساری گلین
بوسئودا نه سئودادیر
سنی منه وئرمزلر
نئیلیم آمان ، آمان
ساری گلین
بو دره نین اوزونو
چوبان قایتار قوزونو
نه اوْلا بیر گون گؤرم
نازلی یاریمین اوزونو
نئیلیم آمان ، آمان
ساری گلین
عاشیق ائللر آیریسی
شانا تئللر آیریسی
آیریسی بیر گونونه دؤزمزدیم
اوْلدوم ایللر آیریسی
نئیلیم آمان ، آمان
ساری گلین
+ نوشته شده توسط yagmur_damla در پنجشنبه چهارم خرداد 1391 و ساعت 9:28 |

 

پارک

 

 خیاوانلار گؤزومدن بیر _ بیر سوووشوردورلار

آی بولودا یئنیلمیشدی

ساعات 5

آسفالتا باخیرام

هردن ده باشماقلاریمین یازیقلیغینا.

ویترینلرین پوزلو گئیینیشینده

تاکسی دوراقلارینين باهالیغیندا

رستورانلارین اؤگی قوخولاریندا

مدرن آرابالارین ترافیکینده

آه... بیتمه ین خیاوانلارین خورولدوسوندا

ایشچی اولدوغومو بیر ده خاطیرلادیم!

ایکیمیز ده بولاندیق؛

پارک، سیگار قوخوسوندان

من ده، تک لیییمی سئون بایقوشلاردان. . .

صندللر سویوقلاشیردی

هاوا صیفره بنزییردی

اینسانین دَیری ده !

صیفر

بئش

کرخانا دووارلاری

بئینیمده دانس ائدیردیلر

جیبیمده کی سیجیللیمی(کیملیگیمی) چوخدان ییرتمیشدیم. . . .

***

اوزاقدان یاخینلاشیر

عزراعیل می یوخسا؟

سورغوم بیتمه دن پارک ایشچی سینی تانیدیم

 اینسان اولاراق بیرگون گئچه جک گونوم . .

+ نوشته شده توسط yagmur_damla در دوشنبه یکم خرداد 1391 و ساعت 9:46 |

ائله دین

 

ای گول تر، منی خوار ائیله مه دین می؟ ائله دین،

شهرۀ خورد و کوبار ائیله مه دین می؟ ائله دین.

سالمادین می اوزونه زولف سیاهی، سالدین،

گونومو چون شب تار ائیله مه دین می؟ ائله دین.

آلمادین می دیل صد پاره می الدن؟ آلدین،
بیر نیگاه ایله شیکار ائیله مه دین می؟ ائله دین.

اولمادیم می سر کویوندا مجاور؟ اولدوم،

منی سن هیجره دوچار ائیله مه دین می؟ ائله دین.

ناله بولبول کیمی من ائیلر کن گول کیمی سن،

خنده، ای لاله عذار، ائیله مه دین می؟ ائله دین.

توتمادین می گئدیب اغیار ایله الفت، توتدون،

منی اغیار ایله یار ائیله مه دین می؟ ائله دین.

دوست و بیگانه نی یوخ، ای ماه لیقا،

منه دوشمن نه کی، وار ائیله مه دین می؟ ائله دین.

دئمه دین می کی، نیگاهیم لا سنی قتل ائده رم؟

من ایله بؤیله قرار ائیله مه دین می؟ ائله دین.

یوسیفی، ای گول خوشبوی محبت هردم،

گلشن عشقه هزار ائیله مه دین می؟ ائله دین.

+ نوشته شده توسط yagmur_damla در دوشنبه یکم خرداد 1391 و ساعت 9:44 |

 

سوواشیب منه بو ناغیللار

 

الیمده کوهنه چلینگ ایزی

بابام ائویندن گلیرم.

دوداغلاریم ناغیللاری جیرتدان قویوسوندا چیخاریر.

و ایچیم بیرینه نیفرت

بیرینه یازیقلیق کئچیریر،

نه سن وارسان یانیمدا،

نه ده کیچیک لیکدن بویانا آغزیمین سوت قوخوسو

پاپریز فاجیعه سینی یاشاییرام،

دئمه لی یوخلوغون منده قارا خورا.

و بیرده

باییر سیزاق داغینا بورونموش دونقوز یوخوسو کیمی،

سسسیز، حرکت سیز بیر قبریستان.

نه یاخچی ناغیللارین سون آلمایا چاتیر،

سئودییم و شعرلشدییم بیر شئی.

خسته لیک کیمی سوواشیب منه بو ناغیللار

دوست کیمی دوداغلاشیرام اونلارلا.

جیرتدان قارداش

نه وحشتلی بیر سئودییم سن، سن

بابامدان بیر چلینگ بیرده سن.

قوی ایتیلسین قیزلی قیزیللی  سئوگیلر.

+ نوشته شده توسط yagmur_damla در دوشنبه یکم خرداد 1391 و ساعت 9:43 |

 

 قورقود ده ده مه نیسگیللی سوزلریم

 
 

همت وئره جكسن، همتین اولسا!

آتاوین چیراغین یانار ساخلارسان،

شرفین، هنرین، غیرتین اولسا!

 

منیمده الیمدن بو گلیر آنجاق

سنی كئچمیشونله ائیله یم تانیش

باش اوجا یاشاماق ایسته سن اگر

باخ گور بابالارین نئجه یاشارمیش


 

من بو دونیالاردا گزیشن زامان

بیلمیرم نه ساعت یوخوم آپاریر

یا منیم كونلومو رویالار آلیر

یاداكی پوزوسون یاغی قورتاریر

 

بیر زامان آییلدیم آچدیم گوزومو

ایشیق قارانلیقی باسیب بوغوردو

 گئجه نین شلمه سی قانا باتمیشدی

سحر آچیلیردی، گونش دوغوردو
+ نوشته شده توسط yagmur_damla در دوشنبه یکم خرداد 1391 و ساعت 9:41 |

آشک چوخ واخ بیر فیلیم کیمی گورونور.


بئله فیکر ائدیریخکی دونیامیزی تاپمیشیخ


قوشا قاریماق،یاشاماق،بیر جان اولماق.


آما چوخ زامانلار دونیا بیزیم حسلریمیز تک یاشامیر.

چوخ تک یاشاماق قوشا قالماقدان قاباقدی.

بیراؤرککی بیر باخیشلا چیرپینا

و بیر آیریلیقلا دایانا،سئویب

سئویلمسه یاخجیدی.

+ نوشته شده توسط yagmur_damla در دوشنبه یکم خرداد 1391 و ساعت 9:37 |

یاساق سئوگیم!

 

کیمسه لر بیلمه یه جک بو یاساق سئوگی نی، حتی سن!!


آدینی سئوگی دونیامدان آتاجاغیم


یالنیزلیق لاریملا یاشایاجاغام...


گوناهیم سنی سئومک اولموشدور


هر گئجه گوندوز یولونو گؤزلردیم


سئوگی دویغولاریمی بوتونلوکجه سنه سونوردوم


آما ساتدین بوتون دویغولاریمی!!
+ نوشته شده توسط yagmur_damla در دوشنبه یکم خرداد 1391 و ساعت 9:35 |

 

بویوک گوناهیم :                                                                                                       

       نفسلر آه قوسوب              گوزلر آغلاشیر

 سنسیز یاشاماق             نیه گرکدیر

        باغلانمیش آتیشکا             دورد دوره دووار

      سنه چاتان یول               یالنیز دوزمکدیر 

         یالواران اللریم                   تانریدان کوسوب

           بویوک گوناهیم               سنی سئومکدیر

+ نوشته شده توسط yagmur_damla در دوشنبه یکم خرداد 1391 و ساعت 9:33 |

داغینیق یووا

داغینیق یووادیر گوی دولو قارغا                  کونلومون بولودو یاغماق ایسته ییر

دومانا بورونن دونوق دویغولار                      بوغولان آرزیم تک یاردیم ایسته ییر

باخیشین گوزومو آلدادیر یئنه                     حایاسیز اوره ییم سئومک ایسته ییر

اووجوندا یاشاییش گویه ریر اینان                 اللریم الینی توتماق ایسته ییر

+ نوشته شده توسط yagmur_damla در دوشنبه یکم خرداد 1391 و ساعت 9:32 |

بو مریض درد عشقه بیر پرستار آرزیدی                 بیر حقیقت آختاران انسان غمخوار آرزیدی

عشق باغیندان گئچرکن اوخ دییبدیر سینمه            دردیمه درمان ائدن یار وفادار آرزیدی

گونده یوخ ای نازنین ای عشق ائوین ویران ائدن     ایلده بیر گون گورمه یه رخسار دلدار آرزیدی

من سنون عشقون یولوندا عمریمی اتدیم هلاک      بیلمه دیم تکجه سنه ای یار اغیار آرزیدی

+ نوشته شده توسط yagmur_damla در دوشنبه یکم خرداد 1391 و ساعت 9:31 |

تانریسیز گئجه مین           بویوک تانریسی                                       

سوکوتدا سس سیزجه        وعدالاشاندا

کوچه میز کولگووه             تامارزی قالدی

سئوگیمیز اوشاقلیق          اوینونا بنزه ییر

آلما دئسم گلمه               هیوا دئسم گل

گوزومو یومار کن                دئدین گله رم

سویغونلو یوللاردا              سنی ایتیردیم

ایللردی دییرم                  من اوتوزموشام

هیوا دییرم                      بلکه گلسن

یومولموش گوزلرده          یاشی گوره سن

گوره سن کی سن سیز        بیر اوشاق کیمی

گئجه نین چینینده                  نئجه آغلیرام

+ نوشته شده توسط yagmur_damla در دوشنبه یکم خرداد 1391 و ساعت 9:30 |

آغلاتدین گوزومو            یول چکن گوزلر

             قوی سنین اُولسون

غروروم سینیبدیر          یاریلمیش غرور

            قوی سنین اُولسون

 اُولگوندیر حایاتیم           بوتون وارلیقیم

           قوی سنین اُولسون 

تانریمی اونوتدوم            غم کوچه سینده

گوناهسیز تانریم          قوی سنین اُولسون

آلداتدین دویغومو             یالان سوزلرله

آللانمیش دویغولار        قوی سنین اُولسون

گئجه سیز گوندوزو                کونلوم ایسته میر                          

قارانلیق گئجه لر           قوی منیم اُولسون

اُولدوردین گوزومده           بوتون سئوگیمی

سئوگی سیز گوزلرین        قوی منیم اُلسون

+ نوشته شده توسط yagmur_damla در دوشنبه یکم خرداد 1391 و ساعت 9:30 |


Powered By
BLOGFA.COM